廣州之旅

星期六,日在廣州搏殺左兩日
買左好多好多野
差D 連我地兩個都拿唔晒D 野!!!

ＤＡＹ　１

我地一開始去左酒店CHECK-IN
然後搭地鐵去左好百年商場
我上網搵左好多資料
搵戈Ｄ　資料寫住個商場叫＂百利＂
之後我地問左人
原來個商場改左名叫＂好百年＂

戈度有４　層
地（富），一樓，　２樓都係賣好多婚紗，晚裝，掛，　禮儀用品，飾物等等既野。。
三樓就係賣Ｄ　拍攝用既器材，相框戈Ｄ

開頭標好想買件掛
因為佢覺得用完可以租比人，　又唔洗改
不過原來一套要３　千幾。。。＠＠
之前真係冇諗過咁貴

所以冇買到

婚紗就冇咩點睇
因為我已經租左個ＰＬＡＮ
而晚裝。。。。
其實真係冇Ｄ　人講既咁平。。
多數我睇得上眼都要５００，６００左右
但都唔係太靚戈Ｄ
如果係我覺得靚戈Ｄ
都要１千以上
咁既價錢
租既話可以著多Ｄ　衫

所以晚裝我都係冇買。。。

跟住去左行婚紗街
戈度多數係賣婚紗，晚裝戈Ｄ
都會有Ｄ　婚慶用品呀戈Ｄ　野
結果我地買左禮是封，毛巾，拖鞋，囍字，上頭野。。
其實行完個商場已經好累。。。

跟住再行都冇咩買野
行到盡頭有個海珠廣場
超舊超ＵＰ　ＤＵＢ
好似冇開冷氣咁，　好（谷）
我地走都走唔切

咁又一日喇。。。

明日再續